Bago matapos ang taon, nasasabi na ng mga mag-aaral ang diwa ng tekstong binasa o napakinggan, nagagamit ang mga kaalaman sa wika, nakababasa nang may wastong paglilipon ng mga salita at maayos na nakasusulat upang maipahayag at maiugnay ang sariling ideya, damdamin at karanasan sa mga narinig at nabasang mga teksto ayon sa kanilang antas at kaugnay ng kanilang kultura.

Naipamamalas ng mag-aaral ang kakayahan sa pagpapahayag ng iniiisip at damdamin sa wikang katutubo at ang kahandaan sa pagbasa at pagsulat upang makilala ang sarili at matutong makisalamuha sa kapwa.

Naipamamalas ng mga mag-aaral ang kakayahang komunikatibo, mapanuring pag-iisip,at pag-unawa at pagpapahalagang pampanitikan sa mga akdang pampanitikang pambansa upang maipagmalaki ang kulturang Pilipino.

Sa baitang na ito, binibigyang-tuon ang kakayahan sa pagbasa, pagsulat at pakikipagtalastasan nang wasto upang maipahayag ang kaalaman, ideya at damdaming angkop sa kaniyang edad at sa kulturang kinabibilangan at nakikilahok sa pagpapaunlad ng pamayanan.

Dito inaasahang naipapamalas ng mga mag-aaral ang kakayahang komunikatibo at pagpapahalagang pampanitikan sa mga akdang pampanitikang rehiyonal.