Anong uri ng pagpapahayag ito?

Sa paraang ito ay sinusuri ang mga salik o bagay-bagay na nakaapekto sa isang sitwasyon at ang pagkakaugnay-ugnay ng mga ito.

Anong uri ng pagpapahayag ito?

Ang Dibisyon ng mga Karapatang Sibil sa Kagawaran ng Katarungan ang nagpapatupad ng mga pambansang batas sa diskriminasyon. Isang di-katanggap-tanggap na halimbawa ng diskriminasyon sa trabaho ay ang ginawa ng isang kompanyang Amerikano na nangako ng magandang hanapbuhay at magandang kabayaran sa mga Mehikano. Patakas silang naipasok ng kompanya ang mga Mehikano sa Amerika sa loob ng isang walang laman na trak at nang makarating sa Amerika, tinakot ang mga manggagawa, at binalaan na sila ay papatayin kung sila ay magbalak umalis.

Anong uri ng pagpapahayag ito?

Kumalat ang COVID 19 sa buong mundo noong 2020. Dahil dito, milyon-milyong mga tao ang namatay sa buong mundo. Nailagay rin tayo sa lockdown kaya naman marami ding nagsara na negosyo at nawalan ng trabaho.

Anong uri ng pagpapahayag ito?

Ang tiktok at youtube ay parehong website na maaari kang maglagay ng video. Pareho ring maaari kang maging sikat sa paggamit ng mga ito. Kaya lamang, mas mahahabang video ang maaari mong ilagay sa youtube kaysa sa tiktok. Sa tiktok ay limitado lamang sa 10 minuto samantalang sa youtube ay maaaring umabot ng 12 oras.

Anong uri ng pagpapahayag ito?

May limang simpleng hakbang upang maprotektahan ang sarili at ang iba laban sa COVID-19. Una, hugasan nang madalas ang iyong mga kamay. Ikalawa, iwasan ang paghawak sa iyong mata, ilong at bibig. Ikatlo, takpan ang iyong bibig sa pag-ubo at pagbahing. Ikaapat, iwasan ang matatao na lugar at malapit na pakikipagsalamuha sa taong may lagnat o ubo. Huli, Manatili sa bahay kung ikaw ay masakit.

Anong uri ng pagpapahayag ito?

Ang komunikasyon ay mahalaga sa ating mga tao upang magkaunawaan. Isang halimbawa ng komunikasyon ay ang pagsulat ng liham. Noon pa man nagsusulat na ng liham sa mga dahon ang mga tao. Ikaw, nagsusulat ka pa ba ng liham?

Anong uri ng pagpapahayag ito?

Isang senyales daw na mas matalino ang isang tao kapag mas makalat ang lamesa nito sa trabaho. Ayon sa pag-aaral ng mga eksperto, mas lumalabas daw kasi na mas malikhain at mas madiskarte ang mga magugulo ang lamesa kaysa sa mga organisado.

Bumuo ng 2-3 pangungusap batay sa ibinigay na uri ng pagpapahayag at paksa.

URI NG PAGPAPAHAYAG: Sanhi at Bunga

PAKSA: pagkakaroon ng mababang marka

Bumuo ng 2-3 pangungusap batay sa ibinigay na uri ng pagpapahayag at paksa.

URI NG PAGPAPAHAYAG: Pagbibigay ng Halimbawa

PAKSA: gawain o aktibidad para sa mental health ng mga estudyante

Bumuo ng 2-3 pangungusap batay sa ibinigay na uri ng pagpapahayag at paksa.

URI NG PAGPAPAHAYAG: Paghahambing at Pagsasalungatan

PAKSA: online at f2f na klase