ნიკომ გუშინ განაცხადა,რომ ზეგ აქვს ტესტი. რა დღეს აქვს ტესტი, თუ დღეს ოთხშაბათია?

სულ რამდენი ორნიშნა რიცხვია რომლის ციფრთა ჯამი არის 6?

რამდენი ციფრია საჭირო რვეულის 15 გვერდის გადასანომრად?

ხის მორი მხერხავმა დაჭრა 6 ტოლ ნაჭრად. რა თანხა უნდა გადავუხადოთ მხერხავს, თუ თითო გადაჭრისთვის 10 თეთრს ითხოვს?

მოსწავლეები მწკრივში ორ-ორად მიდიოდნენ. ერთმა მათგანმა თავის წინ 8 წყვილი დაინახა, უკან კი - 5 წყვილი. რამდენი მოსწავლეა სულ?

თაროზე 33 წიგნია, რაც 5-ით მეტია მეორე თაროზე მოთავსებულ წიგნებზე. რამდენი წიგნია ორივე თაროზე?

რა რიცხვს მივიღებთ, თუ უდიდეს ორნიშნა ლუწ რიცხვს გამოვაკლებთ უმცირეს ორნიშნა კენტ რიცხვს?

10 ქათამსა და რამდენიმე გოჭს ერთად 28 ფეხი აქვს. რამდენი გოჭია?

თუ გაფუჭებული ონკანიდან ჩამონადენი წყლის წვეთებით ყოველ საათში ნახევარლიტრიანი ქილა ივსება, მაშინ რამდენი ლიტრი ჩამოედინება 10 საათში?

თუ კვადრატის პერიმეტრი 36 დმ-ია,რისი ტოლია მისი გვერდის სიგრძე?

თითო ფანჯარასთან 4 ქოთანი დევს.რამდენი ქოთანია სულ თუ სახლში 8 ფანჯარაა?

ბავშვებმა მოაგროვეს 44 სოკო. 14 გზად დაკარგეს, დანარჩენი კი ქილებში ჩააწყვეს, თითოში - 5 ცალი. რამდენ ქილაში ჩააწყვეს სოკოები?

8 . 8 - (72-18) =

რამდენი სანტიმეტრია:

6დმ 9 სმ

რამდენი მილიმეტრია:

4სმ 7მმ =

7დმ 2სმ - 4დმ 9სმ

22სმ +1დმ 8სმ=

8დმ - (2დმ+14სმ)

რა ციფრი უნდა ეწეროს “*”-ის ნაცვლად, ტოლობა რომ სწორი იყოს?

85 - 3* = 52

ოთხკუთხედის პერიმეტრი 96სმ-ის ტოლია. ცნობილია, რომ მისი სამი გვერდის სიგრძეა 23სმ, 30სმ და 18სმ. გამოთვალე ოთხკუთხედის მეოთხე გვერდის სიგრძე.

ნინომ 25კგ ასკილი მოკრიფა, ხოლო ლაშამ – 31კგ. მოკრეფილი ასკილი ვედროებში გაანაწილეს, თითოში – 8კგ. რამდენი ვედრო ასკილი მოკრიფეს ნინომ და ლაშამ?