Աստղանիշները փոխարինի՛ր թվանշաններով այնպես, որ 13*26915* թիվը բաժանվի 72-ի:

Կշեռքի նժարի մի կողմում դրեցին մի կտոր պանիր, իսկ մյուս նժարին՝ այդ պանրի 2/3 մասն ու էլի 2/3կգ պանիր, որից հետո նժարները հավասարվեցին: Որքա՞ն է կշռում այդ պանրի կտորը:

Գտի՛ր 9 ^․9 ^․ 9 ^․ 9 ^․ 9 ^․ 9 ^․ 9 ^․ 9 ^․ 9 ^․ 9-ը 8-ի բաժանելիս ստացված մնացորդը:

Ամենաշատը քանի՞ 1x3 չափեր ունեցող ուղղանկյուններ կարելի է կտրել 5x5 չափեր ունեցող քառակուսուց:

Հնարավո՞ր է արդյոք 1000 հատ ձմերուկը դնել 17 զամբյուղներում այնպես, որ ցանկացած երկու հարևան զամբյուղներում եղած ձմերուկների քանակը միմյանցից տարբերվի 1-ով:

Մի երկրում կա 19 քաղաք, որոնցից յուրաքանչյուր երկուսը իրար են միացված ավիաուղիներով: Քանի՞ ավիաուղի ունի այդ երկիրը:

Երեք թվերի թվաբանական միջինը հավասար է 243, իսկ 7 ուրիշ թվերի միջին թվաբանականը՝463: Ինչի՞ է հավասար այդ բոլոր 10 թվերի միջին թվաբանականը:

aaaa + bbb + ab – a = 2016 արտահայտության մեջ a և b տառերը փոխարինելով որոշ թվանշաններով ստացվում է ճիշտ հավասարություն: Որքա՞ն է a+b արտահայտության արժեքը:

Երբ պարանից կտրեցին 6 մետր, պարզվեց, որ պարանի մնացած մասի երկարությունը 4 մետրով երկար է կտրած մասի երկարությունից: Որքա՞ն էր պարանի սկզբնական երկարությունը:

Առաջին կապոցում կա երկրորդ կապոցից 9 հատով ավել տետր: Առաջին կապոցից վերցրեցին 7 տետր և դրեցին երկրորդ կապոցում: Որքա՞ն կլինի այդ կապոցներում եղած տետրերի քանակների տարբերությունը:

Մրցույթի ժամանակ Խաչիկը, Վաչիկն ու Հրաչիկը միասին վաստակեցին 97 միավոր: Եթե Խաչիկը վաստակեր 3-ով ավելի քիչ միավոր, իսկ Վաչիկը վաստակեր 4-ով ավելի քիչ միավոր, ապա նրանք կունենային Հրաչիկի չափ միավոր: Քանի՞ միավոր է վաստակել Վաչիկը: